ILOILO – May paathag ang Police Regional Office tuhoy sa suspensyon sa promotion sang mga pulis.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga mahimo nga may ginahitso ang national headquarters rason nga ginmandu ni Philippine National Police Officer-in-Charge Police Lt. Gen. Archie Francis Gamboa ang suspensyon sang promotion sa third level.
Suno kay Malong, posible may ara lang sang ginalantaw sa record sang tanan nga personnel ukon gina id-id ang pagsulundan sa promotion.
Nagalaum naman si Malong nga gilayon nga bawion ni Gamboa ang nasambit nga mandu.
Nahibaluan nga may mga opisyal sa Police Regional Office 6 nga nag-apply sang promotion apang naabtan sang suspensyon.
