Gin-aprubahan ni President Ferdinand ‘Bongbong’ Marcos Jr. ang pila sa mga gin-propose sang Department of Trade and Industry agud nga mabuligan nga ma-regulate ang nagapanglakaak nga presyo sang bombay sa pungsod.
Suno kay Trade and Industry Undersecretary Ruth Castelo, lakip sa sini amo ang pag-limit sa numero sang traders nga involved sa supply chain sang imported kag locally produced nga mga bombay.
Ginpahayag sang opisyal nga kun mas madamo ang traders nga involved, mas mataas man ang mark-up sang presyo sang bombay kun makalab-ot na sa local markets.
Halimbawa diri amo ang imported onions nga may landed cost nga P14 apang nagahimo na nga P350 per kilo kun mag-abot sa mga merkado sa National Capital Region.
Magluwas diri, ginpahayag sang opisyal nga gin-set naman sa P125 per kilo ang suggested retail price sang imported onions.
Ginpahayag ni Castelo nga may iban pa nga gin-aprubahan si Presidente Marcos apang wala pa sang opisyal nga gin-anunsyo sang Department of Trade and Industry.
