Madasig nga gin-aprubahan sa plenaryo sang Senado ang ginaduso nga pondo sang Office of the President (OP) nga nagalab-ot sa P27.3 billion kag ang P854 million nga budget sang Presidential Management Staff (PMS) para sa 2026.
Sa plenary deliberations sang Senado para sa budget sang OP para sa masunod nga tuig, wala pa sang lima ka minutos, nagsugtanay ang mga senador nga iendorso ang budget sang OP kag PMS para sa pag-apruba sa second reading.
Suno kay Senate Committee on Finance Chairman Senador Sherwin Gatchalian, ini na ang ikaapat nga tion nga nag-atubang sa Senado si Executive Secretary Ralph Recto, nga sang damlag lang nagserbe nga tiglikom sang Department of Finance (DOF).
Nagmosyon naman si Senador Jinggoy Estrada nga tapuson ang interpelasyon para sa OP kag PMS budgets bilang pagpakita sang institutional courtesy sa ehekutibo nga sangay kag bilang pagtahod sa Presidente nga kaupod nila sadto sa Senado sang tion sang 15th kag 16th Congress.
Nagtaas sang 66.2 million ang budget sang OP bangud dako nga parte sini ang igapain para sa pag-host sang Pilipinas sa ASEAN Summit kag mga kaangot nga kahiwatan sa masunod nga tuig.
 nga nagalab-ot sa P27.3 billion){kind=link}