Ginbasura sang konseho ang proposed ordinance ni Iloilo City Councilor Sheen Marie Mabilog sa ginpatigayon nga regular session subong nga aga sa Legislative Building sang Iloilo City Hall matapos nga wala sang nag-second the motion ukon nagsuporta diri.
Ang ordinansa ang may tinutuyo nga ipasakaon sa 80% ang reduction sa Real Property Tax (RPT) nga halin sa 40%. Bangud base kay Mabilog, madamo sang mga pumuluyo nga nagareklamo bangud sa gulpi nga pagtaas sang RPT.
Madumdoman nga subong nga bulan, gin-endorso ni Iloilo City Mayor Raisa Treñas ang extension sang Real Property Tax Reduction tubtob 2028.
Maobserbahan sa session nga pila ka segundo nga naghlinong ang session hall bangud wala sang may nag second the motion ukon nagsuporta sa iya.
Ginsabat man ini ni Councilor Rex Marcus Sarabia nga puwede gid si Mabilog makatambong sa public hearing agud mabatian ang iya sentimyento.
