Prosecution, nabalaka sa ‘spliced’ videos kag posts sang senator-judges nga may ‘prejudgment’ na

Nabalaka ang prosekusyon sa mga social media content sang iban nga senator-judges nga ginapahayag nga may yara na sang “prejudgment” apisar nga nagapadayon pa ang impeachment trial ni Vice President Sara Duterte.

Sa interview sang Bombo Radyo kay Atty. Benjamin Jay Tolosa Jr., House legal spokesperson kag private prosecutor, ginpahayag sini nga ang amo nga mga content nagadulot sang pag-duha-duha sa publiko.

Suno kay Tolosa, nagagwa ang pamangkot kun makapartisipar bala ang mga miyembro sang impeachment court sa proceedings kag makahatag sang desisyon sa isyu sang guilt ukon innocence nga wala sang ginadampigan.

“Talagang nakakabahala po yung ganyan. Pwede po kasi ito magdulot sa ating mga kababayan ng pagdududa kung kaya ba talaga ng ibang miyembro ng impeachment court na mag-participate sa impeachment proceedings and ultimately magbigay ng kanilang paghuhusga sa guilt or innocence ng Vice President nang walang kinikilingan, nang fair, unbiased, and impartial,” pahayag ni Tolosa.

Wala ini sang ginhingadlan nga sin-o man nga senador.

Sang nagligad nga semana, matandaan nga nagpasaka sang pormal nga reklamo sa Senate Ethics Committee ang grupo sang women’s rights advocates, student leaders, kag civil society groups batok kay Senator Pia Cayetano.

Ini ang kasunod sa gin-post sini nga gin-alegar sang mga tagreklamo nga spliced video nga gin-gamit suno sa ila sa pag-troll kay House prosecutor kag Akbayan Representative Atty. Chel Diokno.

Naga-unod ang video sang edited excerpts halin sa oral arguments kag may overlay ukon caption nga nakabutang nga: “Nagbabakasakali lang? Walang mga ebidensya pero nag-aakusa na.”

Suno sa mga nagreklamo, gin-edit ang video agud ipakita nga daw kaangay nga gin-ako ni Diokno sa impeachment trial nga wala sang ebidensya ang House prosecutors agud ipadayon ang kaso batok kay Duterte.

“Napakahalaga po kasi na lahat ng huwes, kahit na sa regular court and lalo naman dito sa Senate impeachment court, kailangan ang mga judges, hindi sila maging impartial. They should show appearance of impartiality. Kung hindi, baka masira ang tiwala ng mga kababayan natin,” pahayag pa ni Tolosa.

Gin-athag man sini nga wala sila nagasiling nga nadulaan na sila sang pagsalig sa iban nga mga senator-judges.

“Hindi naman naming sinasabi na nawalan kami ng tiwala sa mga senator-judges na ‘to, kung sinadya nila ‘to, dahil hindi naming alam. Maaaring mayroon silang paliwanag diyan. Baka meron silang staff na may control sa accounts na nagkamali,” suno sa House legal spokesperson.

Dugang sini, ginahulat nila ang sabat kag paathag sang mga nag-post kag nagalaum man sila nga indi na ini masulit pa.

“We’re eagerly waiting kung ano ang maging explanation nila sa bagay na ‘to dahil so far wala pa tayong naririnig na reaction,” suno pa kay Tolosa.

Ginlawag pa sini ang iban nga mga post nga suno sa iya daw kaangay nga may “prejudgment” na.

“Nakakatakot ho ang ganiyan. We’re hoping na hindi na mangyayari ang ganitong klaseng mga post sa social media,” dugang pa sini.

Nahibaluan nga sa impeachment court, ang mga senador nga nagapungko bilang judges ang ginpasumpa sang special oath agud nga mag-akto sang patas kag may integridad kag ibase ang ila desisyon sa layi kag ebidensya nga ipresentar sa baylo nga magdesisyon sandig sa personal ukon political bias.