Nagpresentar na ang government prosecutors sang mga ebidensya kag testigo sa hearing kaangot sa kaso nga qualified human trafficking batok kay dismissed Bamban, Tarlac Mayor Alice Guo.
Ini apisar nga ginpanginwala sang kampo ni Guo nga kilala sini ang ginakabig maninoy kag “big boss” sang Philippine Offshore Gaming Operators (POGO) nga si Lyu Dong.
Ang una nga testigo nga gindala sang prosecution amo ang opisyal sang Presidential Anti-Organized Crime Commission (PAOCC).
Si Guo kag mga kaupdanan sini nga akusado ang nagapangatubang sang qualified human trafficking charges sa Pasig Regional Trial Court Branch 167 bangud sang illegal POGO operations sa Bao Fu nga yara sa Bamban nga kaiping lang gid sang munisipyo kun sa diin anay nagatinir si Guo sang siya pa ang mayor.
Ang mga ebidensya nga ini amo ang gamiton agud nga balabagan ang petisyon ni Guo nga makapyansa.
Nahibaluan nga paagi sa video conference ang pagtambong ni Guo kag sang iban pa nga akusado.
Maga-resume ang hearing sa Oktubre 22.
