Ginhatagan sang bug-at sang prosecution witness nga si Atty. Alex Cabrera ang talalupangdon nga kakulangan sa financial records sang Cale88 sa iya pagsabat sa mga pamangkot ni Senator-Judge Raffy Tulfo.
Sa iya nga interjection, ginpamangkot ni Tulfo si Cabrera kun nabusisi sini ang accounts payable kag accounts receivable sang Cale88, amo man ang mga dokumento nga magapamatuod sa aktuwal nga pag-export sang mga produkto sini sa mga pungsod nga namitlang sa hearing.
Ginpaathag ni Cabrera nga madamo nga indi ordinaryo nga detalye sa financial statements sang kumpanya sa diin wala sang nakalista nga payable, receivable, kag inventory sang raw materials bisan pa nga manufacturer kag exporter ini sang mga produkto.
“Kahit po gaano kalaki ’yung perang pumapasok at lumalabas, nananatili po siyang lugi,” suno kay Cabrera.
Dugang pa sang testigo, ginkumparar nila ang financial statements sang Cale88 sa lima tubtob anom ka kumpanya nga may pareho nga negosyo kag yara sa P200 milyon ang tuigan nga revenue.
Suno sa iya, mas dako ang property, plant and equipment, inventory, receivables, kag payables sang mga kumpanya nga ginkumparahan sa Cale88.
Sang ginpamangkot ni Tulfo kun napamatud-an sa Bureau of Customs ang aktuwal nga pag-export sang mga produkto sang kumpanya, gin-athag ni Cabrera nga wala niya personal nga nalantaw ang mga nasambit nga records.
