Pagpresentar sang mabaskog nga ebidensya kag indi sa voting threshold nakatuon ang pokus sang House Prosecution Panel sa nagapadayon nga impeachment trial ni Vice President Sara Duterte.
Sa interview sang Bombo Radyo kay Atty. Jay Tolosa, Spokesperson sang Prosecution Panel, iya ginpahayag nga magluwas sa pagpresentar sang ebidensya, katungdanan man nila nga magpresentar sang mapag-on nga testigo kag dokomento agud mapamatud-an ang mga alegasyon batok sa bise presidente.
Gin-athag man sini nga wala nagbag-o ang constitutional requirement nga two-thirds vote para sa conviction, apang kinahanglan lamang nga mangin legally and factually capable of participating sa impeachment proceedings kag sa tion sang judgment ang senator-judges nga magaboto sa trial.
Pahayag pa ni Tolosa nga kun mabaskog ang ila nga ebidensya nagakadapat lamang nga mangin pabor sa ila nga ginapakigbato sa prosekusyon nga i-convict si Vice President Sara Duterte.
Apang kun kulang naman ang ila nga pamatuod, gina-respeto man nila ang mangin resulta sang trial.
Dugang pa sini nga indi man sa ila sa prosekusyon naghalin ang argumento nahanungod sa voting threshold kag nagakadapat lamang nga sundon ang senate impeachment rule.
