May posibilidad nga indi na pagpresentar sang House prosecution panel ang ebidensya para sa bribery charge batok kay Vice President Sara Duterte.
Ini kun kulangon na ang oras sa impeachment trial bag-o umpisahan sang Senado ang deliberasyon sa 2027 national budget.
Nahibaluan nga gina- target sang prosecution nga matapos ang presentasyon sang ila nga ebidensya batok kay Duterte paglab-ot sang tunga-tunga sang Oktubre.
Ginakondisdera sang prosekusyon ang oras nga nabilin para sa trial ang pagdesisyon kun padayunon pa ang presentasyon sang ebidensya kaangot sang bribery allegation.
Magluwas sa bribery, kabahin sa impeachment case ang mga alegasyon sang sala nga paggamit sang milyon-milyon nga confidential funds, unexplained wealth kag pagpamahog kay President Ferdinand Marcos Jr., First Lady Liza Araneta-Marcos kag anay House Speaker Martin Romualdez.
Gina-isipan naman sang prosekusyon kun ila pa bala nga ipresentar ang tanan nga financial records may kaangtanan sa unexplained wealth allegation bangud sa madamo nga dokumento nga kinahanglan nga ipresentar sa impeachment court.
Nahibaluan nga nangin istrikto ang schedule sang Senado samtang ginahanda man sang impeachment trial ang 2027 national budget.
