Nagapanawagan ang House Prosecution Panel sang patas nga aplikasyon sang subjudice rule sang Senate impeachment court sa nagapadayon nga trial batok kay Vice President Sara Duterte.
Sa interview sang Bombo Radyo kay Atty. Jay Tolosa, Spokesperson sang House Prosecution Panel, iya ginpahayag nga dapat patas ang pagpatuman sang patakaran sa tanan nga kabahin sang trial, dala na diri si Vice President sara Duterte.
Ginpunto ni Tolosa ang pahayag ni Duterte nga ginaakusaran sini si President Ferdinad Marcos Jr. nga nagagamit sang impluwensiya sa mga senador, prosecutor, mahistrado, kag mga pulis.
Kaangay suno kay Tolosa nga indi nangin patas ang pagtrato sang korte sa nasambit nga pahayag kun ikumpara sa pahayag sang prosekusyon.
Nahibaluan nga una na nga gindagdagan sang show-cause order sanday Tolosa kag public prosecutor Rep. Terry Ridon kaangot sa mga pahayag sang mga ini sa publiko nga possible nagbayolar sa sub judice rule.
Suno kay Tolosa importante nga patas ang pagpatuman sang mga patakaran agud mapabilin ang kredibilidad sang impeachment court.
