Nangin bayolente ang protesta nga ginhimo sa Milan nga isa sa host cities sang 2026 Winter Olympic Games.
Sa una pa lamang nga adlaw sang kumpetisyon, linibo na ka mga tawo ang nagmartsa sa dalanon sa northern Italy agud nga magprotesta batok sa hinampang kag sa iban pa nga serye sang mga isyu.
Sang ulihi, may yara na sang nagpalupok kag naghaboy sang bato sa mga pulis. Bangud sini, naggamit naman ang mga pulis sang tear gas kag water cannon.
Anum ka mga tawo ang gindakop sa amo nga protesta.
Gintawag naman ni Prime Minister Giorgia Meloni nga mga kaaway sang Italya ang mga nag-protesta. Magluwas diri suno sa iya, may yara pa sang nagpang-lock sang railway cables agud nga indi makaandar ang mga tren.
Sa tinaga naman ni Deputy Prime Minister Matteo Salvini, mga “criminal” suno sa iya ang involved sa kumprontasyon sa Milan.
Matandaan nga antes sini, may mga Italian na nga nagprotesta batok sa presensya sang Immigration and Customs Enforcement (ICE) sa ila pungsod antes ang Olympics.
Kontrobersyal ang ICE bangud sa duha ka magkasunod nga shooting incidents nga involved ang federal immigration authorities sa Minneapolis. Yara sila sa Italya agud magbulig sa paghatag sang security assistance sa Winter Games.
