Ginkumpirma sang foreign ministry sang Australia nga ang duha nila ka mga residente ang gindakop sa Myanmar.
Ini bangud nga luyag kuntani nga maghalin sa Myanmar pinaagi sa relief flight nanday Matthew O’Kane kag Christa Avery, dual Canadian-Australian citizen kag lunsay mga business consultants sang sila ang ginbalabagan sang mga otoridad.
Ang duha ka mga nadakpan ang may yara sang negosyo sa Yangon.
Nahibaluan nga nag-anunsyar mismo ang Myanmar military sang isa ka tuig nga State of Emergency kag ginsuspend ang tanan nga international commercial flights tubtob sa Mayo 31, 2021.
Samtang, wala sa gihapon nagalinong ang mga dalanon sa nanuhay-tuhay nga bahin sang pungsod.
Isa na naman ka anti-coup protester ang ginluthang-patay kahapon sa central city sang Monywa kag duha naman ang pilason.
Nangin maggamo na ang Myanmar humalin sang pwersa nga ginkuha sang militar ang gahum gikan sa ousted civilian leader Aung San Suu Kyi.
Magluwas sa tear gas, naggamit sang granada kag armas luthang ang mga militar batuk sa mga protesters.
