Pilason ang mga protesters kag kapulisan sa natabo nga ginamo sa Serbia.
Ini bangud nga ginsulod sang mga protesters ang National Assembly building sa Belgrade agud kwestyunon ang liwat nga pagpatuman sang curfew kasunod sang padayon nga nagataas nga kaso sang Coronavirus Disease 2019 (COVID-19).
Agud indi makapalapit ang mga protesters, ginpunggan sila sang mga pulis rason nga nag-ibwal ang sitwasyon.
Napilitan nga maggamit sang tear gas ang mga pulis agud pahalinon ang mga protesters.
Nag-umpisa ang hublag protesta sang gin-anunsyar ni Serbian President Aleksandar Vucic nga liwat niya ipatuman ang pagdumili sa mga pagtililipon sang masobra lima ka tawo kag pagpatuman sang curfew halin alas-6 sang kasisidmon tubtob alas-5 sang aga sa Biyernes tubtob Lunes.
