HONG KONG– Ginpuhag sang Hong Kong police ang mga nagapatigayun sang hublag protesta, pinaagi sa paggamit sang pepper spray.
Ini matapos nadamo sang nagpatigayun sang hublag protesta kag nagsindi sang kandila kadungan sang pagdumdum sa 1989 Tiananmen Square democracy crackdown.
Naghimo sang barikada ang mga protesters, apang ini ang ginpuhag sang mga kapulisan.
Ini bangud ginabawak sang gobyerno sang Hong Kong ang pagtililipon sang madamo nga tawo, bilang lihok agud pakigbatuan ang Coronavirus disease 2019.
Nahibaluan nga ini ang labing una nga kahigayunan nga wala sang kun ano nga programa para sa pagdumdumon sang madugu-on nga nagkalabato sa amo nga lugar.
