Nagpatigayon sang Province-Wide Limpyo Dalanon ang Iloilo Provincial Environment and Natural Resources Office (PENRO) subong nga adlaw.
Ini kasunod man sang ika-24 nga anibersaryo sang RA 9003 ukon Ecological Solid Waste Management Act of 2000.
Sa interview sang Bombo Radyo kay Mitz Penaflorida, Sebior Environmental Management sang Provincial Environment and Natural Resources Office (PENRO), iya ginpahayag nga ang programa ang may tuyo nga mahatagan sang pagtamod ang 5 (R’s) nga amu ang Reduce, Reuse, Recyle, Repurpose kag Refuse.
Suno kay Penaflorida, magalawig sang isa ka bulan ang Province-Wide Limpyo Dalanon.
Ginpahayag man sini nga ang programa ang kabahin sa gihapon sang tourism campaign sang provincial government.
