Magapadayun ang voters education sang Provincial Comelec Office Office sa mga botante sa bug-os nga probinsya sang Iloilo. Sa interview sang Bombo Radyo kay Atty. Roberto Salazar, provincial Comelec supervisor sang provincial Comelec, iya ginpahayag nga mangin pilot area sa testing sang voters registration verification machine (VRVM) ang probinsya kag syudad sang Iloilo.
Suno kay Salazar ang VRVM ang isa ka customized tablet nga may fingerprint scanner nga maga-scan sang fingerprints sang tagsa ka botante.Pahayag pa ni Salazar nga kun medyo panas naman ang fingerprints, mahimo naman nga iverify ang ngalan sa listahan sang mga botante nga yara sa mga Board of Elections Inspectors (BEI’s).
Lapnagon naman suno sa natungdan ang pagpahibalo tuhoy sa nasambit nga pilot test pinaagi sa media kag voters education sa tagsa ka mga kabanwahanan. Samtang gin-athagnaman ni Salazar nga santo sa section 104 sang Omnibus Election Code, ginadumilian ang presensya sang nagapapili nga kandidato nga nagahatag sang bagay nga posible kabaylo sang pagboto sang mga pumuluyo ukon ang mga nagapapili nga kanidato nga nagapa ‘epal’ sa mga programa sang gobyerno.
