ILOILO – Nabaton na sang Provincial Guard sang Iloilo Provincial Capitol ang memorandum order bangud sa ginapahayag pagpanghimulos sa isa ka masahista sa sulod mismo sang kapitolyo.
Sa interview sang Bombo Radyo kay Aaron Raymundo, pinuno sang General Services Office (GSO), iya ginpahayag nga subong nga adlaw, nabaton na ni alyas Jun, 35, ang memorandum order.
Ginpahayag ni Raymundo nga may yara lamang sang tatlo ka adlaw ukon 72 oras si alyas Jun agud nga makasabat.
Si alyas Jun ang naka on-leave sa subong kag nagpabutyag nga magpasa sang leave extension.
Santo sa report sang mga naka on-duty nga provincial guard sang Mayo 25, natukiban nga nagbalik si alyas Jun kag ginkuha ang liyabe nga lipod sa ihibalo sang iya mga kaupod.
Nakita na lang sang naka on-duty nga provincial guard sa Closed Circuit Television (CCTV) nga may nagsulod sa opisina ni Iloilo 5th District Nielo Tupas sa ikaanum nga panalgan sang kapitolyo.
Sang ginkadtu-an kag gintuktok sang naka on-duty nga provincial guard ang pwertahan, wala man sang may nagsabat ukon may nagbukas sini.
Nakita naman sa CCTV nga nagguwa ang duha sa opisina kag kasubong nga wala sang may natabo.
Nahibalu-an nga ginreklamo sang masahista nga si alyas Jane, 45, ang suspek bangud sa paghimulos sa iya sang nakaligad nga Mayo 25 sang aga.
