ILOILO – May yara na sang gintukod nga Provincial Quarantine Team ang Iloilo Provincial Government agud nga magbantay sa tanan nga pantalan sa probinsya sang Iloilo.
Sa interview sang Bombo Radyo kay Provincial Administrator Atty. Suzette Mamon, iya ginpahayag nga ang pagptukod sang Provincial Quarantine Team ang natukod paagi sa ginpaguwa nga Executive Order ni Gov. Arthur Defensor Jr.
Suno kay Atty. Mamon, importante ang katungdanan sang mga nagabug-os sa nasambit nga quarantine team nga ginalakipan sang nanari-sari nga talatapan sa Iloilo Provincial Capitol.
Ginpahayag ni Atty. Mamon nga ginakinahanglan sang quarantine team ang bulig sang nagkalain-lain nga ahensya sang gobyerno ilabi pa nga madamo ang natalana nga magapa-uli nga Locally Stranded Individuals.
