ILOILO CITY- Dumilian ang prusisyon sa Byernes Santo sa Abril 2 sa Syudad sang Iloilo.
Sa exclusive interview sang Bombo Radyo kay Police Col. Uldarico Garbanzos, director sang Iloilo City Police Office (ICPO), iya ginpahayag nga ang nasambit nga tikang ang may katuyuan nga malikawan ang pagtaas sang kaso sang COVID-19.
Suno kay Garbanzos, magluwas sa prusisyon, dumilian man ang Visita Iglesia kag mga pagpamalay-balay sang mga apostoles.
Tingbon man ang mga ramos sa tion nga magbendisyon sa Palm Sunday, Marso 28.
Gin-athag man ni Garbanzos nga ginapasugtan sa gihapon ang pagpatigayon sang misa.
Ginpahayag ni Garbanzos nga nakapatigayon naman siya sang pagsinapol kaupod ang Simbahang Katolika kag Iloilo City Government agud maplastar ang ini nga mga plano.
Nahibaluan nga ang pagplastar sang COVID-19 protocols ang kabahin man sang summer vacation implementing plan.
Matandaan nga sang nagligad nga tuig, gindumilian man ang mga aktibidad sa Semana Santa sa tunga sang COVID-19 pandemic.
