Ginbulgar sang Philippine Statistics Authority (PSA) nga 405 out of the 677 ka mga indibidwal nga nagbaton sang confidential funds halin sa Office of Vice President (OVP) kag Department of Education (DEPED) sa idalom ni Vice President Sara Duterte ang wala sang birth record.
Suno kay House good government and public accountability panel chairperson Rep. Joel Chua, ang 677 ka mga indibidwal ang nagbaton sang confidential funds santo sa acknowledgement receipts nga ginpasa sang OVP kag DEPED sa Commission on Audit (COA) para sa liquidation.
“Tayo ay sumulat upang isumite ang 677 pang pangalan na nakalagay sa acknowldgement receipts kung saan tayo po ay binigyan ng tugon ng Philippine Statistics Authority dated December 8, 2024. Dito [ay] kanila pong sinasabi na out of 677 individuals, 405 ay walang birth certificate o walang record sa birth certificate, o pwede nating sabihin na non-existent,” pahayag ni Chua.
Una diri, ginbulgar man sang PSA nga ang certain ‘Mary Grace Piattos’ nga recipient sang confidential funds nga nasaad sa acknowledgment receipts, ang wala sang birth, marriage, ukon death record sa ila database.
Matandaan nga ginpahayag ni Chua nga ang OVP kag DepEd sa idalom ni Duterte ang nagpasa sang makaduluda nga acknowledgement receipts nga may sala nga petsa kag non-legible signatories.
Todo panginwala naman si Duterte sa diin makapila ka beses sini nga gin-athag nga wala ini naggamit sang pondo kag isa lang ini ka test run para sa impeachment case batok sa iya.
Sa subong, may duha na ka impeachment complaints nga ginpasaka batok sa Vice President bangud sa ginapahayag betrayal of public trust, sa diin gin-akusaran ini nga wala naggamit sang confidential funds sang insakto.
