Nagapati ang Philippine Stock Exchange (PSE) nga dako ang nabulig ni anay Presidente Benigno “Noynoy” Aquino III sa ekonomiya sang Pilipinas bangud nangin investment-grade status ang pungsod pinaagi sa iya maayo nga panggobyerno.
Nabaton sang Pilipinas ang una nga investment grade halin sa Fitch Ratings sang 2013 — tatlo ka tuig sang termino ni Aquino.
Sa statement sang PSE, nakarekord sang pila ka mga milestones ang Philippine stock market sang termino ni Presidente Aquino bangud sa iya mga polisa nga nagbag-o sa pungsod nagikan sa high credit risk nga nangin “investment grade rating country” umpisa sang tuig 2013.
Ang gross domestic product ang nagtaas man sang masobra 6% sang si Aquino pa ang nagapungko bilang presidente sadto.
Tubtob subong, napabilin sang Pilipinas ang investment-grade ratings samtang nagapakig-away sa global downgrade trend tuga sang COVID-19 pandemic
