ILOILO CITY – Ginakabig sang Psoriasis patients nga daku nga dungog ang pagpakigbahin sa Bombo Medico 2019.
Sa interview sang Bombo Radyo kay William Dellota, presidente sang Psoriasis- Iloilo, iya ginpahayag nga ini ang labing una nga kahigayunan nga nagpakigbahin sila sa Bombo Medico sang Bombo Radyo Philippines.
Suno kay Dellota, indi malikawan nga may yara sang stigma sa Psoriasis patients apang ang nasambit nga balati-an ang indi makalalaton.
Paagi sa Bombo Medico suno kay Dellota, ila napahangop sa publiko ang nahangod sa nasambit nga balati-an.
Indi kasubong sa iban nga balati-an nga mahimo mag-ayo gilayon matapos nga makatumar sang bulong, ang Psoriasis suno kay Dellota ang mahagan-hagan lamang apang indi na madula.
Bilang Psoriasis patient, ginpahayag sang natungdan nga indi mahapos ang gina-agyan sang kasubong niya nga may yara sang nasambit nga balati-an.
Sa pihak sang ginabatyag nga balati-an,ginpahayag sang natungdan nga wala sang kabaylo nga kalipay ang ila nabatyagan sa sa pagserbe bilang support group sa ginpatigayon nga Bombo Medico.
