ILOILO CITY – Gin-athag sang pamunuan sang Iloilo City Public Safety and Transportation Management Office nga obligado sa gihapon ang mga drivers nga magpresentar sang ila driver’s license sa tion nga pangayu-on ini sa ila sang mga traffic enforcers.
Ini ang sa tunga sang pronouncement ni Iloilo City Mayor Jerry Treñas nga indi na mahimo mag-confiscate sang driver’s license ang mga enforcers kundi, maga-issue lamang sang citation tickets kag kun indi makabayad sa sulod sang 48 ka oras, pasakaan na sang kaso sa Prosecutor’s Office.
Sa interview sang Bombo Radyo kay Mr. Jeck Conlu, pinuno sang talatapan, iya ginpahayag nga ang pagpangayo sang lisensya sa mga drivers ang may katuyu-an lamang nga hibaluon kun ang mga ini ang nagasunod sa layi ukon nagagamit sila sang peke nga lisensya.
Suno kay Conlu, sa tion nga wala sang may ihatag nga driver’s license, i-assume na sang traffic enforcers nga ang motorista ang naga-drive nga wala sang lisensya.
Pahayag dugang ni Conlu, ang pag-angkon sang driver’s license ang prebilihiyo lamang gani mahimo gid nga mabawi sa motorista.
