ILOILO CITY – Ginapangitaan sang paagi sang Public Safety and Transportation Management Office nga masolusyunan ang ano man nga kakulangan kadungan sang pagpatuman sang Modified Enhanced Community Quarantine sa syudad sang Iloilo.
Kahapon, Setyembre 24, sang gindeklarar si Iloilo City Mayor Jerry Treñas ang panibag-o nga quarantine classification kasunod sang na record nga pagsaka sa COVID-19 cases.
Sa interview sang Bombo Radyo kay Public Safety and Transportation Management Office head Jeck Conlu, iya ginpahayag nga sa subong, yara pa lang sa transition period ang pagpatuman sang Modified Enhanced Community Quarantine.
Suno kay Conlu, sa una nga adlaw, indi mahinago nga may yara sang adjustment sa bahin sang Iloilo City Government ilabi na nga nadugangan sang 5 ang 14 ka mga barangay nga ginpaidalom sa total lockdown.
May kaangtanan diri, ginpahayag ni Conlu nga ginkulang ang personnel nga ginpang-deploy sa mga barangay nga ginpaidalom sa lockdown apang gilayon man ini nga napangitaan sang paagi.
Nagahingyo naman ang natungdan sa publiko nga magpalab-ot gilayon sang reklamo ukon ano man nga impormasyon sa Public Safety and Transportation Management Office ukon sa Iloilo City Government agud nga ini ang maaktuhan.
Nahibalu-an nga subong nga adlaw, lakip sa mga barangay nga ginpaidalom sa 3-day total lockdown amo ang mga masunod:
Sa Jaro:
MV Hechanova
Sambag
Lopez Jaena
Lanit
Sa La Paz:
Caingin
Ang Bolilao naman sa Mandurriao ang ginaduso nga ipaidalom sa lockdown extension.
