ILOILO CITY- Nagaplano ang Public Safety and Transportation Management Office nga magpatigayun sang pagsinapol man makaayo ang mga wiring sa syudad sang Iloilo.
Sa interview sang Bombo Radyo kay Public Safety and Transportation Management Office head Jeck Conlu, iya ginpahayag nga posible sa Lunes nga adlaw, magapatigayun siya sang pagsinapol kaupod ang Utility Group agud man masolusyunan ang nagaginumon nga wirings sa palibot sang syudad.
Suno kay Conlu, ang nasambit nga pagsinapol ang may tinutuyo nga hipirun ang wirings sa mga dalanon bilang kabahin sang plano nga mas patahumon pa ang syudad sang Iloilo.
Ginpahayag ni Conlu nga 20% na lang sang wires sang Panay Electric Company ang wala pa nakuha samtang ang nabilin naman ang ginapanag-iyahan sang mga telecommunications company.
