ILOILO CITY – Mas ginpahugot pa sang Iloilo City Public Safety and Transportation Management Office ang kampanya batok sa illegal modified mufflers.
Ini matapos ang nanuhay-tuhay nga reklamo nga nabaton ni Iloilo City Mayor Jerry Treñas sa tuman kagahod nga tunog sa dalanon sa nga nagtuga sang huol sa mga pumuluyo ilabi na kun gab-i.
Sa interview sang Bombo Radyo kay Mr. Jeck Conlu, pinuno sang Iloilo City Public Safety and Transportation Management Office, iya ginpahayag nga gin-amyendaran na sang alkalde ang City Ordinance No. 2017-087 nga nagadumili sang mga illegal modified mufflers kun sa diin mahimo na nga ma-confiscate ang mufflers sang motorista sa 1st offense.
Apang, ini ang indi lamang limitado sa mga motorsiklo, kundi sa mga four-wheeler man nga mga salakyan.
Suno kay Conlu, may yara sang sound meters nga ginagamit ang mga kapulisan agud i-monitor kun naglagpas ang tunog sang salakyan sa standard noise range nga 99 decibels.
Gina-isyuhan naman sang ticket ang mga drivers nga madakpan nga nagalapas sa ordinansa kun sa diin magaserbe ini bilang pagpaandam sa mga motorista nga wala nagasunod sa layi.
