Gin-abisohan sang Iloilo City Public Safety Transportation Management Office (PSTMO) ang mga truck owner kag pila ka drivers nga likawan ang iligal nga pag-park sa dalan.
Sa interview sang Bombo Radyo kay Ret. Police Col. Uldarico Garbanzos, head sang Iloilo City Traffic and Transportation Management Office, iya ginpahayag nga classified bilang isa ka national highway ang dalan rason nga wala ini kontani sang obstruction sang mga salakyan.
Suno kay Garbanzos, masami nga matalupangdan ang mga iligal nga naga-park sa Circumferential road 1 nga sakop sang Jaro kag Pavia.
Ginpahayag man sini nga sugod sang nagpungko siya nga head sang amo nga opisina, nagpakig-angot na sila sa mga kabarangayan agud mag-abiso sa amo nga sitwasyon sang dalan.
Dugang sini nga nagpanugyan sila sa tagsa ka opisyal ilabi na sa coastal area sang C1 road nga gilayon magpakig-angot sa ila agud nga mapadulongan ang lugar nga may iligal nga naga-park.
Ginpasigurado man sang natungdan nga sa agsa ka roving may bitbit ang ila personnel sang mga wheel clamp agud nga takdan ang mga naga-obstruct sa dalan.
