ILOILO CITY- Nagaplano ang Public Safety and Transportation Management Office nga amyendaran ang Anti-Jaywalking ordinance sang syudad sang Iloilo.
Ini matapos nga ginbalik na ang hugot nga pagpatuman sang nasambit nga ordinansa.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga luyag nila matigayun nga mapasakaan ang multa sa mga madakpan nga nagalapas sa nasambit nga ordinansa sang syudad.
Suno kay Conlu, sa adlaw-adlaw nga tanan may yara gid sila sang mga madakpan.
Pinaagi man sa pagpasaka sang multa suno sa iya, mapabatyag sa mga mahilig maglapas sa ordinansa nga indi lang simple nga pagbayad ang solusyon.
Nagakadapat man suno sa natungdan nga sundon sang kadam-an ang Anti- Jaywalking ordinance bangud para man ini sa kaayuhan sang tanan.
