ILOILO CITY – Wala naga-untat ang Public Safety and Transportation Management Office sa pagpanakop kag pagsaway sa mga minor de edad nga badjao nga nagapangayo-kayo sa mga dalanon sa syudad sang Iloilo.
Sa interview sang Bombo Radyo kay Darryl Lim sang Public Safety and Transportation Management Office, iya ginpahayag nga may pila na ka mga badjao nga minor de edad ang gintingub sa bahin sang Brgy. Sambag, Jaro, Iloilo City.
Suno kay Lim, kalabanan sa mga nagapanaka-saka sa jeep kag nagapangayo sang kwarta amo ang mga kabataan.
Sa tion nga indi, paghatagan, nagapangdupla, nagapangbutong sang buhok kag nagapangtampa sang pasahero ang mga bajao.
Nahibaluan nga sa subong, nagaplano ang Iloilo City Government nga ibalik ukon igadul-ong mismo sa ila lugar ang mga badjao.
