ILOILO CITY– Padayun ang ginapatigayun nga road clearing operations sang Public Safety Transportation and Management Office sa mga kabarangayan nga non compliant sa mando nga road clearing operations.
Sa interiew sang Bombo Radyo kay Jeck Conlu pinuno sang nasambit nga talatapan, iya ginpahayag nga magluwas sa pagpamuno sa road clearing operations kaupod man sila sang Department of Interior and Local Government sa pagvalidate sang mga kabarangayan, lakip na ang paghatag sang score.
Suno kay Conlu, indi man mabutigan ang scoring sa road clearing bangud ang ginahatagan sang score amo ang ila mga makita sa aktwal nga inspeksyobn sa mga barangay.
Pahayag pa ni Conlu may pila ka mga kabarangayan ang compliant, may ara man nga medium compliant apang may ara gid sang mga non compliant.
Ang mga non compliant nga mga kabarangayan suno sa natungdan, ang iga -operate sa sulod sang 75 days.
