ILOILO CITY – Wala sang may nabaton nga reklamo ang operations center sang Iloilo City Government may kaangtanan sa ginpatigayon nga nationwide transport strike subong nga adlaw.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga as of 5
PM kaina, gin-deactivate na ang operations center bangud nga wala man sang may ginpalab-ot nga reklamo.
Suno kay Conlu, santo sa assessment, indi mabatyagan ang transport strike bangud nga 75% sa transpoort groups ang nagbiyahe.
Ginpahayag ni Conlu nga 9:30 kaina sang aga sang gin-recall ang gindeploy nga mga service vehicles sang Iloilo City Government bangud nga kasubong nga nagakompitensya pa ang libre-sakay bangud nga madamu man ang nagabiyahe nga mga pampubliko nga salakyan.
Kadungan sini, gin-athag ni Conlu nga indi na nasakop sang Public Safety and Transportation Management Office ang pagpatigayon sang validation kag evaluation sa Oplan Hawan.
