ILOILO – Padayon ang pagpanagtag sang Iloilo Provincial Government sa mga residente nga naapektuhan sang low pressure area sa probinsya.
Sa interview sang Bombo Radyo kay Rapunzel “Rara” Ganzon, focal person sang Iloilo Provincial Social Welfare and Development Office, iya ginpahayag nga antes ini maghatag sang food kag non-food items, gina-validate ini anay.
Suno kay Ganzon, humalin kahapon, nakabaton na ang banwa sang Pototan sang 777 ka mga food packs kag 215 ka mga hygiene kits; ang Passi City ang nakabaton sang 503 food packs kag 503 ka mga hygiene kits; nakabaton ang banwa sang Lambunao sang 157 ka mga food packs, 59 ka mga hygiene kits kag 59 sleeping kits.
Samtang, nag-request naman ang banwa sang Dingle sang 965 ka mga food packs kag 50 ka mga hygiene kits.
Ginpahayag dugang sang natungdan nga nagpahamtang sila sang mga personnel agud tsikyaron ang sitwasyon sa kada banwa kun sa diin, hatagan sang bulig ang nagakinahanglan ilabi na ang mga pumuluyo nga nagapabilin pa sa mga evacuation centers.
