Nangin mabinungahon ang ginpatigayon nga public consultation ang Committee on National Defense and Security kag Special Committee on the West Philippine Sea sa Masinloc, Zambales.
Ini ang kaangot sa ginapahayag gentleman’s agreement nga ginsudlan nanday anay Presidente Rodrigo Duterte kaupod si Chinese President Xi Jin Ping.
Suno kay Iloilo 5th district Rep. Raul Tupas, chairman sang defense committee, katuyuan sang hearing amo nga matumod ang kamatuuran sa nasambit nga kasugtanan, ang indi sini pagpahibalo sa bag-o nga administrasyon, ang kaundan sini, ang pagsekreto sini kag indi pagpabalo sa iban nga ahensya sang gobyerno kag kun nakompromiso ang soberanya kag teritoryo sang pungsod.
Si Tupas ang nag-preside sa Masinloc hearing kaupod si Senior Deputy Speaker kag Pampanga 3rd District Rep. Aurelio Gonzales Jr. nga amo ang nagapamuno sa special committee on West Philippine Sea.
Samtang, ginbasa naman ni Rep. Gonzales ang mensahe ni House Speaker Ferdinand Martin Romualdez para sa mga manugpangisda kag local officials sa probinsya.
Sa mensahe sini, ginpahayag ni Romualdez nga dapat mag-isa ang tanan agud suportahan ang mga mangunguma nga nagapakigbato sang ila kinamatarong sa Scarborough ukon Panatag Shoal sa West Philippine Sea.
Ini ang sa tunga sang ginahimo nga pagpang-atake sang China sa teritoryo nga sakop sang Pilipinas.
