Ginalauman nga magapatigayon sang public hearing ang Barangay Ingore, La Paz, Iloilo City may kaangtanan sa pagatukuron nga Waste to Energy project sa bag-o nga Sanitary Landfill.
Ini kasunod sang natapos na ang 10-year operational period sang landfill sa Calajunan, Mandurriao.
Sa interview sang Bombo Radyo kay Punong Barangay Montilejao, iya ginpahayag nga nakatalana nga magpatigayon sang public hearing sa Pebrero 6, 2025.
Suno kay Montilejao, tinutuyo sang hearing ang mahibaluan kag mabatian ang mga sentiyemento sang mga residente nahanungod sa ginaplano nga pagtukod sang Waste to Energy Plant sa ila lugar.
Gin-ako man sang natungdan nga may mga pumuluyo nga nagapamatok sa amo nga proyekto.
Kon magsugod naman ang Waste to Energy project sa bag-o nga sanitary landfill sa 2026, ang basura nga ma-dispose ang ipahamtang sa waste to energy machine kag ang city government ang mabayad sang production cost nga P1.70 tubtob P1.80 per kilo sang basura.
Ang energy nga ma-produce halin sa basura ang ibaligya sa Private Public Partnership (PPP) partners sang syudad ilabi na sa mga nagakinahanglan sang kuryente.
