Patay ang Public Information Officer sang Zamboanga del Sur matapos gintiro sa Barangay Ambulon, Vincenzo Sagun, Zamboanga del Sur.
Ang biktima amo si Jesrel Gasper Himang, residente sang Barangay Kawit, Pagadian City.
Ang isa pa ka biktima nga natiruhan man amo si Celgwen Mae Quirbajosa Arellano, residente sang Tigbao, Zamboanga del Sur.
Ang suspect amo si Reymond Antifuelo Lopecillo, residente sang Midsalip, Zamboanga del Sur kag amo ang security escort ni Himang.
Base sa inisyal nga impormasyon halin sa Vincenzo Sagun Municipal Police Station, magkaupod nga nagainom sa sulod sang function hall sang RM Beach ang biktima kag suspek.
Nagbaisay ang mga ini tubtob nga nagkuha ang suspect sang pusil kag gintiro si Himang sang makapila ka beses sa ilong, tiyan kag kamot.
Gintiro man si Arellano sang makaduha ka beses.
Madasig nga gindala ang mga biktima sa Margosatubig Regional Hospital apang gindeklarar nga patay si Himang samtang ginabulong naman ang babaye nga biktima.
Natigayon naman nga maaresto ang suspek.
