Ginakabig sang isa ka public law expert nga isa ka ‘break through’ ang kaso sang isa ka journalist nga nagdaog batok kanday former anti-insurgency task force spokesperson Lorraine Badoy-Partosa kag Jeffrey “Ka Eric” Celiz.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga may kinamatarong ang isa ka journalist nga lagson ang mga indibidwal nga naga-red tag sa ila ilabi na kon ini ang nagatuga sang pagkaguba sang ila pangalan.
Suno kay Pueblo, mahimo sa gihapon nga magpasa si Badoy kag Celiz sang mosyon nga naga-apelar sang ila kaso.
Gin-athag man sini nga ginatawag nga ‘red tag’ bangud ang hayahay sang New People’s Army ang nagaduag pula.
Ginpahayag man sini nga ang red tagging ang makabig nga isa ka bayolasyon sa kinamatarong sang isa ka tawo.
Mahimo naman mag-apelar sang case for damage ang na-red tag agud mapasabat ang mga red tagger sang posible danyos nga idagdag batok sa ila.
