Ginhatagan sang importansya sang isa ka public law expert ang papel sang mga notaryo publiko sa paghimo sang legal nga proseso sang mga dokumento sa komunidad.
Isa ang notaryo publiko sa may otoridad sa pagpasiguro nga ang mga dokumento nga ginapirmahan sang mga tawo, pareho sang kontrata, affidavit, kag iba pa, legal kag matuod.
Sa interview sang Bombo Radyo kay Atty. Mark Aaron Tinambunan, Bombo Abogado, iya ginpahayag nga isa ang notaryo publiko ang naga-obra bilang isa ka saksi sa pagpirma sang dokumento. Ini naga-aplikar sang legal nga timbang sa isa ka papeles agud malikawan ang pagpanglimbong.
Suno kay Tinambunan, kalabanan sa gina-notaryohan sang mga indibidwal, amo ang mga kontrata nga may daku nga kantidad sang kwarta, lupa, ukon negosyo.
Paagi sa pag-notaryo, mas nagahimo ini sang kasiguruhan nga ang duha ka partido may paghangop kag kusang-loob nga nagapasugot sa mga termino sang kasugtanan.
Sa mga transaksyon sa gobyerno pareho sang pagkuha sang NBI clearance, passport, kag iba pa, ginapangayo man ang notarized documents. Ini nagapakita sang kredibilidad sang impormasyon nga ginapasa sang aplikante.
Nagpanugyan man si Tinambunan sa publiko nga maghalong sa pagpili sang notaryohan bangud indi tanan nga naga-notaryo may lisensya ukon kwalipikado.
Dugang sini nga siguraduhon nga rehistrado sila sa korte kag may active nga lisensya.
