Nagpanugyan ang isa ka public law expert sa publiko nga likawan ang mag-engage sa social media ilabi na kon may ginapangatubang nga issue sa isa ka tawo ukon kompanya.
Sa interview sang Bombo Radyo kay Atty. Doni Almio, Bombo Abogado, iya ginpahayag nga kinahanglan nga magpadulong sa insakto nga talatapan agud nga magpasaka sang legal nga reklamo bangud indi tanan nga problema ang masolbar paagi sa pag-post sa social media.
Gin-athag man sini nga indi makabulig ang kasikatan sa paglagas ukon pagpasabat sa isa ka tawo sa legal nga panumbungon.
Ginalantaw man sang natungdan nga posible maglapas sa data privacy act/issue kon makilalal-an ukon makita ang ngalan sang mga personalidad nga nag-send sang mensahe kon ang screenshots ang na-post sa social media.
Liwat man ini nga nagpahanumdom nga mangin responsable sa paggamit sang social media agud malikawan ang makalapas sa Data Privacy Act of 2012.
