PASSI CITY, ILOILO – Temporaryo nga ginsirado ang Passi City Public Market kag ang Passi City Hall kasunod sang na record nga labing una nga indigenous case sang COVID-19.
Sa interview sang Bombo Radyo kay Passi City Mayor Stephen Palmares, iya ginpahayag nga ang pasyente ang nagapanag-iya sang kiosko sa merkado kag natukiban nga nakapadulong pa sa city hall.
Bangud sini, ginsirado ang merkado umpisa Agosto 4 tubtub sa Agosto 7 samtang ang city hall naman ang siraduhon epektibo Agosto 5 tubtub Agosto 7.
Kanselado man ang Dugong Bombo 2020 buwas nga adlaw, Agosto 5 para sa safety sang tanan.
Ginpahayag sang alkalde nga sayluhon na lang sa lain nga petsa ang nasambit nga bloodletting activity.
