ILOILO CITY – Gin-ugtasan sang pinuno sang Public Safety and Transportation and Management Office ang ginhiwat nga nationwide 50 percent discount promo sa sulod lamang sang duha ka oras sang isa ka gasoline station sa syudad sang Iloilo nga gintunaan sang dugang nga pagpugok sang trapiko.
Sa interview sang Bombo Radyo kay Jeck Conlu, pinuno sang Public Safety and Transportation Management Office (PSTMO), iya ginpahayag nga duha ka oras lamang ang nasambit nga promo rason nga pila man ka mga public utility drivers ang nanginyadi apisar sang tuman ka lawig nga pila.
Suno kay Conlu, sala ang nangin stratehiya sang oil company bangud daw kaangay nga ginsabotahe ang dalanon kag pumuluyo sa nagluntad nga trapiko.
Pahayag ni Conlu, ginpadal-a naman nila sang pormal nga kasulatan ang kumpaniya sang gasoline station agud mahibaluan ang ila katungdanan sa natabo.
