ILOILO CITY – Gina-finalize na sang Public Safety and Transportation Management Office ang report may kaangtanan sa wala sa gihapon ginagamit nga pedestrian overpass sa Luna St., La Paz, Iloilo City nga napatung-an sang West Visayas State University kag Iloilo National High School.
Ini ang ginbuksan sang Hunyo 2019 nga may katuyu-an nga masiguro ang safety sang mga kabataan kag mapahagan-hagan ang pagpugok sang trapiko ilabi na kun rush hour.
Sa interview sang Bombo Radyo kay Mr. Jeck Conlu, head sang Public Safety and Transportation Management Office, iya ginpahayag nga kinahanglan na nga tinlu-an kag ipakaayo ang overpass.
Ang ugat sang puno sang lunok sa magtimbang nga bahin ang nagalab-ot na sa hagdan kag nagawayway ang dahon kag kinahanglan na nga i-trim apang ginakabig naman nga mari-it.
Ginsuhestiyon man nga panubu-an ang side wall agud nga kun may yara sang may mag-agi nga estudyante, gilayon nga makita.
Mabudlay man para sa ila nga magsaka sa overpass bangud nga mabug-at ang ila nga bag.
Gin-ako man ni Conlu nga sang una, may yara sang naga-istar nga tawo sa ibabaw kag wala sang suga ang walkway.
Dugang pa ni Conlu, ang nakita nga solusyon sang talatapan amo ang pag-detail sang personnel sa lugar.
