ILOILO CITY-May solusyon na ang Public Safety Transportation and Management Office (PSTMO) sa mahinay nga dalagan sang trapiko sa syudad sang Iloilo sa tion nga naga-ulan.
Sa interview sang Bombo Radyo kay PSTMO head Mr. Jeck Conlu, iya ginpahayag nga may yara na sila sang ginpang deputized nga mga traffic auxillaries sa tion sang rush hour ukon tig-ululan.
Apisar sang kakulang sa personnel suno kay Conlu, ila sa ginapon ginatinguhaan nga mabutangan sang mga traffic auxillaries ang mga mayor nga dalanon sa syudad.
Target naman nila suno kay Conlu ang moving traffic sa mga dalanon sa syudad basta wala lang sang pagtaas sang tubig.
Ila man nga ginatinguhaan ang pagpakaayo sang mga wala nagaandar nga traffic lights sa palibot sang syudad agud magamit ini sa liwat.
