Patigayunon naman subong las 10 sa aga kag las 10 sa gab-i ang public viewing para kay anay Presidente Benigno Aquino III sa Ateneo de Manila University.
Matapos gincremate ang bangkay ni Aquino, gindala anay ini sa ila balay sa Time Street.
Natalana naman bwas, Hunyo 26 ang lubong sa Manila Memorial Park sa tupad sang iya mga ginikanan nga sanday anay Presidente Corazon Aquino kag Senator Benigno Aquino Jr.
Nagpangayo man sang pasaylo ang mga utod sang anay presidente nga mangin limitado lamang ang hulag kag pagbaton nila sang mga bisita bangud sa padayon nga kakugmat dala sang COVID-19.
