Ginsingganan ni Senate President Pro Tempore Panfilo “Ping” Lacson nga nagsumiter sang sala nga coordinates si anay Public Works Secretary Manuel Bonoan sa mga flood control projects sa Malacañang.
Suno pa kay Sen. Lacson nga ini agud pasalahon ang mga naga-imbestigar sa nasambit nga imbestigasyon.
Ginpahayag man sang Blue Ribbon Committee Chair nga resulta ini sang indi insakto nga datos nahanungod sa 421 ka mga ghost flood control projects.
Dugang pa ni Lacson magapaguwa sang subpoena ang Blue Ribbon Committee sa lunes agud piliton si Bonoan nga magtambong sa hearing.
Kun indi magtambong si Bonoan pwede ini nga ma-cite in contempt kag magapahimo sila sang arrest warrant sa Senado.
Upod man sa agenda sang komite ang pagbusisi sang pila ka mga dokumento sang DPWH, kabahin na ang Cabral files kag ang alegasyon nga gingamit ni anay House Speaker Martin Romualdez ang Dioscayas bilang front sa pagbakal sang balay sa isa ka mahal nga subdivision sa Makati
