𝗜𝗟𝗢𝗜𝗟𝗢 𝗖𝗜𝗧𝗬 – Ginapahalong sang doktor ang publiko sa Monkeypox ukon Mpox.
Sa interview sang Bombo Radyo kay Dr. Ana Regalado, member sang Philippine Dermatological Society, iya ginpahayag nga ang mpox ang mahimo makuha pinaagi sa animal-to-human ukon human-to-human contact.
Suno kay Regalado, ang mga layaw nga sapat kaangay sang amo kag ilaga ang mahimo magdala sang virus kag mapasa sa tawo.
Ang pagkalaton pinaagi sa animal-to-human ang mahimo matabo sang direkta nga interaction sa ila dugo, fluid sa lawas, panit ukon balahibo.
Ang pagkaon sang karne sang sabat nga may infection kag wala naluto sang maayo ang mahimo man tunaan sang balatian.
Pinaagi sa tawo, ang mpox ang mahimo mapasa pinaagi sa contact sa tawo nga mga infection, direkta nga pagtapik sa iya fluid sa lawas ukon pilas ukon indi direkta nga contact kaangay sang paggamit sang kontaminado nga bayo ukon habol.
Suno kay Regalado, ang mga pasyente nga may mpox ang ginapanugyanan nga magpaidalom sa supportive care.
Kun nagaduda nga may yara sang mpox, gilayon nga mag-isolate kag likawan ang mga pagtililipon sa diin mahimo mag-angkon sang direkta nga contact sa iban.
Ginpanugyanan man nga magkonsulta sa doctor para sa insakto nga pagpabulong.
