Mahimo na nga makapalab-ot sang reklamo ukon concerns ang mga Filipino sa gobyerno pinaagi lang sa pagpadala sang text message nga wala sang bayad.
Suno kay Presidential Spokesman Atty. Harry Roque, nagdugang ang Office of the President sang text service platform sa 8888 Citiens’ Complaint Center sa diin ini ang ginlunsyar sang Nobyembre 3.
Kun may yara sang concerns ukon reklamo tuhoy sa graft and corrupt practices sang mga opisyal sang gobyerno, i-send lang ang mensahe sa 8888 sa bisan ano man nga networking bangud ini ang libre.
Pahayag niya, ang ini nga tikang sang gobyerno ang bag-o nga inisyatibo sang Duterte administration.
Nagpaandam si Roque sa mga kurap, tamad kag incompetent nga mga opisyal sang gobyerno nga sila ang “one text away” na lang ukon mahapos na sila nga i-report.
Nahibaluan nga ang 8888 complaint center ang gintukod sang nagpungko si Presidente Rodrigo Duterte sa pwesto sang tuig 2016.
