ILOILO CITY- Nagpabutyag ang mga pumuluyo kag motorista sang ila kabalaka matapos nakit-an ang mga litik sa ibabaw nga parte sang Ungka Flyover.
Sa interview sang Bombo Radyo kay alyas Boy, iya ginpahayag nga nagakataktak ang semento nga halin sa naglitik nga porsyon kag tuman ka delikado ini sa mga tawo kag salakyan nga nagalabay sa idalom.
Suno sa iya, kuntani gilayon ini nga masolusyunan agud indi ini magtuga sang halit sa publiko.
Nahibaluan nga padayon subong ang rectification sang kontrobersyal nga flyover.
