ILOILO CITY- Ginakabig sang mga drivers sang public utility jeepneys(PUJ) nga dako nga alibyo para sa ila ang ginpatuman nga oil price rollback subong nga adlaw.
Sa interview sang Bombo Radyo kay Mr. Raymundo Parcon, presidente sang Iloilo City Loop Alliance of Jeepney Operators and Drivers Association(ICLAJODA) kag chairman sang Western Visayas Transport Cooperative (WVTC), iya ginpahayag nga ang dako nga pagnubo sa presyo sang gatong ang nagakahulugan nga madugang-dugangan man ang kita sang mga drivers.
Suno kay Parcon, nagalaum sila nga mangin tayuyon na ang dalayon nga pagnubo sang presyo sang gatong agud nga magmulumag-an man ang palas-anon sang mga drivers sang PUJ.
Nahibaluan nga ang price rollback subong nga semana amo ang pinakadaku nga ginbuhin sa presyo sang gatong subong nga tuig.
Yari ang pag-nubo sa presyo sang gatong:
- Gasolina maganubo sang P5.70 kada litro
- Diesel maganubo sang P6.10 kada litro
- Kerosene maganubo sang P6.30 kada litro
