Arestado ang isa ka pulis kag isa ka kaupod sini bangud sa pag-smuggle sang sigarilyo halin sa Indonesia.
Natigayon ang pag-aresto sa ila sa Sitio Bactus,Barangay Talabaan,Zamboanga City.
Ang mga nadakpan amo sanday Patrolman Berhamin Jadjuli Taji, nakadestino sa Sulu; kag Ernesto Sandri Mari-as, residente sang Barangay Divisoria,Zamboanga City.
Nakuha sa ila ang kapin P16.1 milyon nga balor sang mga sigarilyo.
Narekober man sa ila ang isa ka van-type Isuzu Elf truck nga ila kuntani gamiton sa pagdul-ong sang mga kahon nga may unod nga sigarilyo.
Ginpa-kustodiya sa Bureau of Customs ang mga imported nga sigarilyo.
