LAMBUNAO, ILOILO – Pilason ang tudlo sang isa ka pulis matapos ginkagat sang subject sa drug buy bust operation sa Barangay Simsiman, Lambunao, Iloilo.
Ang subject amo si Jonel Loraña Mamon, 30, residente sang nasambit nga lugar.
Sa interview sang Bombo Radyo kay Police Major Roy Tayona, hepe sang Lambunao Municipal Police Station, iya ginpahayag nga nabaklan si Mamon sang suspected shabu gamit ang buy bust money nga ₱2,600.
Apang sang natukiban sini nga pulis ang nagbakal sa iya, ginkagat niya ini sa tudlo.
Sang ginrikisa, nakuha pa gid sa posisyon sini ang ₱34,000 nga balor sang suspected shabu.
Magluwas diri, narekober man sa iya posisyon ang 12 gauge shot gun kag may isa ka live ammunition.
Sa subong, preso na si Mamon sa Lambunao Municipal Police Station.
